وإذا لم تكن تعلم ,,, فإن الضمير You كان الإنجليز يستعملونه لما تحب تتكلم عن الجمع فقط ومش المفرد,,, يعني مكانش ينفع تقول ل شخص واحد قدامك You , ولو قولتلها في كتابة مثلاً يبقى إنت كدا بتتكلم عن الجمع بتكلم أكتر من شخص...
وكذلك الضمير Ye, فكان يستخدم وقتها برضه للجمع فقط ايضا ولكن كان في فرق طبعا بين الضميرين .. فأول ضمير You ده كان ضمير مفعول للجمع,, أما الضمير Ye ده ضمير فاعل للجمع كذلك. طيب يلا نشوف كدا الكلام ده إزاي
في جملة كدا مكتوبة على جامعة تيكساس بتقول
Ye shall know the truth and the truth shall make you free.
طيب نيجي بقى نفهم ليه الإتنين هنا وليه مستخدمش واحدة بس منهم,,,, بص يا سيدي كدا ,,, زي محنا قولنا فوق إن الضمير You كان يستخدم ك ضمير مفعول أما الضمير الثاني اللي هو Ye ده كان يستخدم كضمير فاعل,,, و زي محنا شايفين في الجملة اللي فوق ,,, بتقول " عليكم أن تعرفوا الحقيقة والحقيقة ستجعلكم أحراراً"
لكن في العصر الحديث بقى ومع تطور اللغة,, الضمير Ye بقى قديم جداً ومش بيستخدم دلوقتي خالص بس ممكن تلاقيه ما زال يستخدم في النصوص الدينية وبعض الترجمات الدينية كذلك,,, وحل بداله الضمير You وبقى يستخدم سواء لضمير مفعول أو ضمير فاعل وللجمع أو المفرد ,,, على سبيل المثال
You will do it willy or nilly أنت هتعمل ده سواء بمزاجك أو غصب عنك
I will help you speak English سأساعدك في تعلم اللغة الإنجليزية
طيب إمال بقى كان بيتكلموا عن المفرد إزاي ؟
بص يا سيدي,,, لو هتتكلم مع مفرد بس ,,, فكان الإنجليز بيستخدموا ضميرين وهم
Thou , Thee
بالنسبة للضمير Thou ف ده كان ضمير فاعل ,,, على سبيل المثال ,,, كانوا بيقولوا كدا
Thou art beautiful ( art =are) يعني " أنتِ جميلة "
أما بقى الضمير Thee ف ده كان بيستخدم ضمير مفعول للمفرد برضه ... يعني كانوا بيقولوا مثلاُ كدا
I will kill thee يعني " انا هقتلك "
بالإضافة لكدا,, كانت ضمائر الجمع اللي ذكرناها في الأول دي تستخدم زمان للتحدث بصيغة رسمية,, و ضمائر المفرد كانت تستخدم للتحدث بصيغة غير رسمية,, لكن الآن أصبح العكس والآن نستخدم Thee, thou للصيغة الرسمية لكنها ضمائر تجدها في النصوص الشعرية والدينية فقط..
الملخص : كل الضمائر دي كلها بقت You اللي تقدر تستخدمه بقى سواء للمفرد أو الجمع أو فاعل أو مفعول وتوفر على نفسك كل الضماير دي كلها ...