وإذا لم تكن تعرف فإن الضمير they يستخدم في اللغة الإنجليزية لما تحب تتكلم عن " المفرد" ومش بنستخدمه للجمع فقط زي ما أتعلمنا... وبيكون طبعاً معاه ضمير الملكية برضه their ...
بإختصار كدا إحنا بنستخدمه لما نحب نتكلم عن حد بس مش عايزين نحدد نوعه أيه سواء ذكر ولا انثى أو شخص إحنا منعرفش نوعه أيه ولما نييجي نتكلم بوجه عام..
على سبيل المثال
If anyone has an issue with that, they can contact us on our number
زي مانتوا شايفين في المثال ده,,, ترجمته " لو حد عنده مشكلة في كدا,, يقدر يتواصل معانا على الرقم بتاعنا "....
أهوه كلمة " حد" أدتنا إيحاء إننا بنتكلم بشكل عام,, مش بتكلم عن مجموعة من النساء فقط أو مجموعة من الرجال,, لكني بتكلم بشكل عام " أي حد يعني ".. عشان كدا إستخدمت الضمير ده لأني مش عارف جنس الفاعل ده إيه ( ذكر ولا أنثى)..
طيب تعالوا أقولكم مثال تاني هيوضحلكم أكتر
تخيلوا مثلاً معايا كدا إني موظف في بنك وجالي حد عايز يهكر أكونت حد وياخد منه معلومات ,, فأنا حبيت أعتذرله وأقوله مش هينفع أطلع معلومات غير لصاحب الأكونت وياريت تخلي صاحب الأكونت ده يتواصل معانا ...
I am so sorry, I can only release the information for the owner of the account.Please tell them to get back to us anytime as they are the only who can access their account
أهو انا كدا موضحتلوش هل أنا أقصد " ذكر ولا أنثى " يعني مكشفتش عن " نوع" صاحب الأكونت ...
لكن لو كنت قولتله
I am so sorry, I can only release the information for the owner of the account.Please tell her to get back to us anytime as she is the only who can access her account
أنا لما استخدمت ( her, she) كدا انا كشفتله معلومة وهي نوع صاحبة الحساب إنها " أنثى" ودي معلومة على قد ما هي بسيطة على قد ما ممكن تنفع الشخص ده..
يااارب بجد تكونوا استفدتوا من المعلومة البسيطة دي