س1 : هو إيه الفرق بين
Sono certo che tu hai ragione
Sono certo che tu abbia ragione
س2: وهل الجملتين صحيحتين من الناحية النحوية أصلاً ؟ طيب وهل وحدة فيهم خطأ والتانية صح؟طيب إنهي بقى اللي صح فيهم ؟ طيب ولو الأتنين صح إيه الفرق بينهم بقى ؟
س3: إيه ده ؟ إنت بتقول إيه ؟ هو مش كنا قولنا إن الصفات اللي بتعبر عن " التأكيد " زي
Sono certo, convinto, chiaro, evidente, ovvio, sicuro
دي بنجيب بعدها ال Indicativo في حالة لو كانت مثبتة ,, ونجيب بعدها ال Congiuntivo في حالة لو كانت منفية؟
طيب يلا بينا نشرح الإجابة بالتفصيل ونشرح كمان الفرق بين الجملتين وكل حاجة بالتفصيل
===========================================
أصدقائي,,,
حابب أشارك معاكم معلومة بسيطة وجميلة جداً في نفس الوقت ,,,, بخصوص ال Congiuntivo وإستخداماته....
طبعاً إنتوا عارفين كويس جداً إنه بيستخدم للتعبير عن الآراء,, الشكوك,, المشاعر,, والحاجات اللي مش بنكون متأكدين منها ...
زي مثلاً
Penso che tu abbia ragione
أنا أعتقد إنك على حقك\ عندك حق
والشرح بإختصار هو إني بعتقد( في رأيي\ أظن) إنك على حق.. يعني ممكن متطلعش على حق,, وهنا حاجة غير مؤكدة ... وعشان كدا إستخدمنا Il congiuntivo
طيب ناخد مثال تاني عشان برضه نوضحها أكتر زي مثلاُ لما تقول
Spero che tu stia bene
اللي هو " أتمنى أنك تكون بخير "
في حين إن ممكن الشخص ده ميكونش بخير ,,, فأنت بعتقد وتتمنى حاجة ممكن تحصل أو لأ وهنا بقى الشك وعدم اليقين
في حين إن ممكن الشخص ده ميكونش بخير ,,, فأنت بعتقد وتتمنى حاجة ممكن تحصل أو لأ وهنا بقى الشك وعدم اليقينطيب إيه بقى اللخبطة دي هو انا أعرف إزاي بقى وأحدد إزاي إذا كانت الحاجة دي فيها شك وعدم يقين والكلام ده؟ ,,,,
بص يا سيدي إنت هتلاقي قبل الزمن ده أفعال تساوي كدا بالعربي" يتهيقلي,,, أظن,,, في رأيي, أتمنى,,, أريد أن,, والله أنا شايف في رأيي،،، ياريت،، ممكن،، مش ممكن،،، احتمال،،، مش احتمال،،، جايز،،، مش جايز,, " الكلام ده كله والتعبيرات دي بنستخدم معاها الزمن ده
لحد كدا كويس يعني ؟
طيب نكمل.....
في صفات بقى زي منتوا عارفين مينفعش معاها ال Congiuntivo لأنها بتعبر عن التأكيد والإقتناع ,,, يعني عكس اللي قولناه فوق ( شك,,,, رأي,, مشاعر,,وهكذا) ,,, والصفات دي زي
Sono certo, convinto, chiaro, evidente, ovvio, sicuro
على سبيل المثال
Sono certo che tu hai ragione أنا متأكد إنك على حق\ عندك حق
È chiaro che tu hai fatto qualcosa di sbaglio
من الواضح إنك عملت حاجة غلط
ف زي مانتوا شايفين إستخدمنا ال Indicativo عشان بيعبر عن حاجة مؤكدة ,,, ومستخدمناش Il congiuntivo لأنه بيعبر زي ما قولنا عن ( شك,, مشاعر,, آراء, وهكذا)
طيب بالنسبة لجملة Sono certo che tu abbia ragione
هل الجملة دي خطأ ؟
الإجابة: لأ طبعاً .. الجملة صحيحة نحوياً ولغوياً ,,, لكن دي حالة شاذة وبتأدي معنى أو قصد معين هوضحهولكم...
لما تقول Sono certo che tu hai ragione
هيكون معناها " انا متأكد إنك على حقك\ عندك حق" اللي هو إنت فعلاً عندك حق بالنسبة ليا وبالنسبة لأي حد تاني ...
لكن لو قولت Sono certo che tu abbia ragione
هيكون معناها " انا متأكد إنك على حق\ عندك حق" اللي هو انا متأكد بشكل شخصي إنك على حق\ عندك حق ,,, يعني من وجهة نظري انا وبالنسبة لي أنا ,,, وممكن يكون بالنسبة للآخرين لأ ...يعني الحاجة دي من وجهة نظر ذاتية وشخصية انا شايفها كدا لكن مش حقيقة كدا ورأي عام ممكن الآخرين يقتنعوا بيه ويشوفوه كدا ...
يعني مثلاُ واحد صاحبك حصل منه موقف,, ممكن يكون بالنسبة ليك إنت هو على حق,, لكن في نظر باقي الناس هو مش على حق واللي عمله ده غير صحيح ومكانش يصح يعمل كدا...
طيب هحكيلكم موقف بسيط كدا هيثبت المعلومة في دماغكم أكتر ...
أنا مثلا داخل بكلم واحد صاحبي على الفيس بوك وروحت وانا بكلمه لاقيته بيكلمني بأسلوب مش كويس ,, رحت على طول عملتله بلوك ... وجيت بعدها حكيت لأحمد صاحبي اللي حصل ,,, ف أحمد من وجهة نظره الشخصية الذاتية إني على حق ,,, فوقتها هيقولي
Sono certo che tu abbia ragione
اللي هو معناها " انا متأكد أنك على حق" ,, اللي هو انا في نظري وبالنسبة ليا بشكل شخصي إنك على حق ,, يعني ممكن مكونش على حق في نظر الآخرين... لأن ممكن حد تاني يقولي لأ مكانش المفروض تعمله بلوك وكان لازم تسمعه يمكن صاحبك متضايق ولا حاجة...
طيب لو أحمد ,, كان قالي وقتها
Sono certo che tu hai ragione
هيبقى معناها هنا " انا متأكد إنك على حق " اللي هو من وجهة نظري انا ووجهة نظر أي حد تاني .. اللي هو عايز يقولي " انا شايف أن اللي انت عملته ده هو الصح المفروض يتعمل ويعمله سواء أنا أو أي أحد ولو كنت انا بدالك أو أي حد كان عمله "
ف اللي نقدر نستنتجه من الكلام ده كله ,, إن الصفات اللي هي
Sono certo, convinto, chiaro, evidente, ovvio, sicuro
بييجي بعدها ال Indicativo لو حابب تتأكد عن شئ مؤكد بالنسبة ليك وبالنسبة لأي حد تاني ,, يعني انت شايف أن ده شئ مؤكد للجميع ولأي حد ممكن يعتقد نفس اللي انت شايفه ...
لكن لو إستخدمت بعدها ال Congiuntivo ,,, هيكون الكلام بيحمل معنى الذاتية بشكل أكبر ,, بمعنى إن الكلام ده والرأي ده متعلق بوجهة نظرك الشخصية ويمكن ميكونش صحيح بالنسبة للآخرين ...
الصفات دي كمان بنستخدم معاها ال Congiuntivo في حالة لو جاية منفية ,, لأنها نفت التأكيد
Non sono certo che tu abbia ragione
أنا مش متأكد إنك على حق
وده ببساطة خالص الفرق بين الجملتين وسامحوني ع الإطالة بس حبيت أشرح ليكم الموضوع بالتفصيل أكتر بحيث الفكرة توصلكم ... يارب بجد تكونوا إستفدتوا
ربنا يوفقكم جميعاً