إذا لم تكن تعرف فإن كلمة People تعتبر جمع ومفرد في آن واحد,, ولكن كل واحدة فيهم ليها معنى على حسب بقى لو بتقصد الجمع أو قصدك المفرد... في حين إن الغالب في الإستخدام هو " الجمع " ... لكن هوضح ليكم الفرق بين الإتنين بسهولة ..
أولاَ لو بتقصد الجمع,,, وده طبعاً الشائع,,, فهنا إنت بتشير لعدد من الأشخاص ,,, وبيكون معناها " الناس/ الأشخاص" ... على سبيل المثال
There were 15 people in the elevator.
ودي معناها " كان في 15 شخص في المصعد " وهنا زي مانت شايف عاملناها معاملة الجمع وأخدت were لأننا بنشير لعدة أشخاص ...
طيب ناخد مثال تاني عشان توضح أكتر ,,,
People were dancing in the streets.
ودي معناها " كان في أشخاص بيرقصوا في الشارع" وهنا كمان جمع زي مانتوا شايفين وخدت were اللي بتيجي مع الجمع ,,, وهنا برضه زي ما قولنا بتشير لعدة أشخاص ...
أما بقى لو حابب تستخدمها على إنها مفرد,, مش هيبقى معناها " أشخاص" ,, هيبقى معناها " الشعب " لما تحب يعني تتكلم عن مجموعة من الأشخاص (رجال ونساء وأطفال ) كأنهم وحدة وشئ واحد... ف هنا تستخدمها مفرد وهيبقى معناها الشعب... على سبيل المثال
The English people are a great people.
وهنا بقى معناها " الناس الإنجليز/ البريطانين دول شعب عظيم" ف تعاملنا مع كلمة People اللي في آخر الجملة دي على إنها مفرد ودليل كدا إننا حطينا قدامها a ودي أداة تعريف ومش بنستخدمها غير قدام إسم مفرد ...
أخيراً بقى,, كلمة People اللي معناها " شعب " دي بنجمعا بنقول " Peoples " يعني " شعوب " على سبيل المثال
The native peoples of America
ومعناها " الشعوب الأصلية لامريكا "
وبكدا نكون وضحنا الفرق بين الكلمتين وأتمنى تكونوا إستفدتوا من البوست ...