هل سمعتوا قبل كدا عن حاجة في اللغة الإيطالية إسمها Il pleonasmo ؟
طيب ولما حد يقولك إن الحاجة دي nel suo significato pleonastico هو قصده يقولك إيه؟
============
ركزوا طيب كويس لأنها معلومة بسيطة لكنها مهمة جداً وهتفهمك حاجات كتييير بتشوفها في كلام الإيطاليين وكتاباتهم...
===================
اولاً: Il pleonasmo واللي معناه "الشئ الفائض الزائد عن الحاجة" و ده أسلوب في اللغة الإيطالية واللي بيتم فيه إضافة عناصر نحوية أو كلمات غير ضرورية و لا قيمة لها ولا تغير ف المعنى.... ليست ضرورية لفهم الجملة
على سبيل المثال:
verrò appena mi chiamerai بتساوي verrò non appena mi chiamerai ... يعني هنا إضافة اداة النفي Non لم يغير شئ في المعنى ,, وهنا بقى بنعتبره زي ما قولنا فوق pleonasmo ...
===============
ومش معنى إني ضفت العنصر النحوي ده الغير ضروري إنه شئ خطأ,, لأ طبعاً.. صحيحة وكانت تستخدم سواء في اللغة العامية أو من قبل النحويين واللغويين. بل و يمكن العثور عليها أيضًا في اللغة الأدبية ولا تعني في حد ذاتها انتهاكًا للقواعد النحوية
==================================
مثال تاني للتأكيد:
عندنا تعبيرات زي:
Entrare dentro ( يدخل للداخل)
كان ممكن تقول entrare بس وكدا إنت أديت المعنى بشكل كامل,,, لكن كلمة dentro دي شئ فاض زائد بنسميه زي ما قولنا pleonasmo ولم يغير في المعنى ...
========================================
Uscire fuori (يخرج للخارج)
كان ممكن برضه تقول بس uscire وكان هيبقى مفهوم ومعروف إنك خارج بره ما هو مستحيل هتكون خارج للداخل...
===========================================
طيب خلينا ناخد مثال تالت للتوضيح أكتر:
A me mi piacerebbe tanto parlarti
هنا بقى هتلاقي كلمة "a me " أصلاً زايدة عن الحاجة ولم تغير في المعنى ولم تساهم في فهم الجملة ... وحتى لو خدت بالك إن الكلمة اللي بعدها اللي هي "mi" دي أصلاً ضمير غير مباشر واللي هو بيساوي a me ...
وده اللي بيوضح إن أول كلمة أصلاً Pleonasmo وهي شئ زائد عن الحاجة...
===========================================
مثال رابع: لما تقول مثلاً:
Di me mi vergogno
" أنا أشعر بالخجل من نفسي"
كان ممكن تشيل di me وبرضه هتأدي المعنى بشكل كامل ... إذا إضافة di me لم يغير في المعنى ولم يضفي أي شئ للجملة لفهم معناها ...
===========================================
مثال خامس : لما تسمع حد إيطالي بيقولك
Che ne dici di questo ?
طيب ما أصلاً كلمة ne دي معناها " Di questo " فهنا جات كلمة زائدة عن الحاجة ولم تضيف ولم تغير في المعنى ...
===========================================
طبعاً هييجي في بالكم كذا سؤال بالنسبة للي أنا أنا قولته :
أول سؤال هو: طيب طالما هو شئ زائد عن الحاجة ولم يغير في المعنى ,, ليه بقى موجود ف النصوص الأدبية والشعرية وخاصة إن النصوص الأدبية بتميل دايماً للتنويع وعدم التكرار الغير ضروري؟
الإجابة: في الحقيقة الشكل ده بيستخدم في الشعر والنثر بالأخص لخلق معنى أو تأثير معين للجملة..ويمكن إستخدامه للتأكيد على الجملة .. كما وأنه يعطي الجملة كثافة وقوة وووضوحاً أوفعالية أو أناقة أكبر ... وده طبعا بيسمح بالحصول على تأثير التكرار ولكن أيضًا كثافة تواصل أكبر ، وبالتالي ، جملة أقوى وأكثر فعالية
ودي أحد النصوص الأدبية اللي ورد فيها Il pleonasmo
“Io il mare l’ho sempre immaginato come un cielo sereno visto dietro dell’acqua” (Cesare Pavese, “Feria d’agosto”)
=========================================
السؤال التاني هنا: طيب il pleonasmo إيه الأشكال اللي بيظهر فيها في الجملة؟
الإجابة: بيظهر في الظرف اللي زي Sopra, dentro, fuori, ecc ,, وبيظهر كذلك في الضمائر الشخصية الضمنية والصريحة,, اللي هي زي A me, mi , ecc ,,
وكذلك في الكلمات الضميرية اللي زي ne واللي إدينا عليها مثال قبل كدا ... وحابب كمان أضيف إن il pleonasmo بيستخدم في المقتبسات التي تحمل معنى ذو خفة الظل ,,
واللي فيه بيحس فيه مؤلف المسرحية وهو بيفكر في العرض الخلاب للنص ,, إنه محتاج يأكد شعور معين أو حالة ذهنية معنية أو حتى موقف ..
==========================================
السؤال التالت : هل ينفع أستخدم ال I pleonasmi في اللغة الرسمية المكتوبة لو هكتب مثلاً إيميل أو بخاطب شركة معينة؟
الإجابة : في اللغة الرسمية المكتوبة اللي بتمثل في الإتصالات التجارية مثل نصوص البريد الإلكتروني أو إتصالات الشركة الداخلية أو الرسائل المرسلة إلى العميل,, من المستحسن تجنب إستخدامها وأنك تستخدم اللغة بشكل مباشر بدون متضيف كلمات زائدة لا تغير في المعنى..
=======================
أتمنى بجد تكونوا إستفدتوا من البوست ... ربنا يوفقكم يااااااااارب