هو إيه الفرق بين, Get to, Arrive, reach ؟
بص يا سيدي ,, الإتنين معناهم " يصل" لكن في فرق طبعاً هنوضحه كدا ...
أولاً كلمة Arrive
دي معناها : يصل لمكان ما ودي بنستخدمها في الغالب لما نحب نشير لنهاية رحلة,, زي مثلاُ " يصل المنزل-يصل إلى دولة معينة-يصل المطار , وهكذا"
وبييجي معاها حرف الجر at و حرف الجر In لما نحب نشير إلى مكان كبير أو دولة الواحد بيوصل ليها ... ولما ييجي بعد الفعل ده كلمة Home مش بياخد حرف جر .. وطبعأ مش بنستخدم معاه حرف الجر to ,, يعني مينفعش نقول Arrive to ...
على سبيل المثال
We arrived at the cinema in time to catch the start of the film
We arrived home in time for dinner.
We need to arrive at the train station by 8am. Our train leaves at 8.15.
أما كلمة reach , دي برضه معناها " يصل" لكن دي بتحمل مجهود ومشقة وتعب عشان توصل للحاجة دي أو تحقق الهدف ده أو توصل للشئ ده ...
زي مثلاً
After a journey of many days, they finally reached the castle.
اللي هوه" بعد رحلة دامت لعدة أيام,, وصلوا في النهاية إلى القلعة"
وهنا هتلاقي في إشارة إلى مشقة ومجهود في عملية الوصول نفسها ... عشان كدا إستخدمنا كلمة Reach
هناخد كمان مثال تاني للتوضيح أكتر...
There was a strong current so it was difficult to reach the shore.
بيقول هنا " كان في تيار شديد وعشان كدا كان من الصعب الوصول إلى الشاطئ" وهنا هتلاقي كلمة " يصل" تحمل مشقة وتعب ومجهود... عشان كدا إستخدمنا Reach
كلمة Reach مش بييجي وراها حرف جر خالص.. بتجيب الكلمة وراها على طول
بالنسبة بقى لكلمة Get to ,, الفعل ده برضه معناه " يصل إلى " لكنه بيدي نفس الإنطباع إنه مكانش سهل الوصول للشئ ده وإن كان في مجهود مبذول للوصول .. زي مثلاُ لما تقول
I have studied a lot to get to this level of speaking
وبكدا نكون وضحنا الفرق بين التلاتة وطريقة إستخدامهم والمعنى الدقيق لكل واحدة فيهم... أتمنى بجد تكونوا إستفدتوا من الدرس ...