عندنا في الإنجليزية كام كلمة كلهم معناهم " حرامي",,, لكن في فرق في الإستخدام طبعاً...
الكلمات دي هي :
thief,pickpocket, burglar, , shoplifter,robber , mugger, joyrider, bandit and pirate
كل الكلمات دي معناهم " حرامي" أو الشخص اللي بيسلب منك شئ معين... وفي البوست ده هنوضح الفرق بينهم طبعاً ...
عندنا أول كلمة وهي
Theif
ودي كلمة عامة وشاملة لأي حرامي بيسرق أي شئ سواء بيسرق محفظة,,, بيسرق بيوت ,, يسرق فلوس,, بيسرق أي حاجة...
تاني كلمة وهي كلمة Pickpocket
ودي معناها حرامي ولكن ده الشخص اللي بيسرق منك المحفظة في الأتوبيس وأنت في المواصلات اللي بنقول عليه " نشال"
تالت كلمة وهي Burglar وده الحرامي اللي بينط على البيوت وبيستلل للمكاتب ويطلع المواسير وشغل الأفلام ده...
الكلمة اللي بعد كدا وهي mugger ده الحرامي اللي بيطلع عليك في الشارع بمطوة مثلاً ويثبتك واللي هو " إطلع يلا باللي معاك وإلا هخذك" ,,
معانا بعد كدا كلمة robber وده الحرامي اللي بيسطو على البنوك والمكاتب والمنازل وفي الغالب بيكون مسلح وبستخدم أسلوب الترهيب والتهديد,,, زي بالظبط فيلم " وش إجرام" لما راحوا المجرمين هجموا ع البنك وهم مسلحين كدا ,, أهم دول بقى بنقول عليهم Robbers
بعد كدا بقى معانا كلمة shoplifter ده الحرامي اللي بيسرق في المحلات اللي هو مثلاُ بيخبي الحاجة في الجلبية بتاعته في شنطته كدا يعني ,,, يعني حرامي نص كم ...
الكلمة اللي معانا بعد كدا ,,, اللي هي joyrider وده الحرامي اللي بيسرق عربيات اللي هو مثلاُ بينط جوه العربية وهي دايرة وشغالة ويجري بيها بسرعة ...
بعد كدا كلمة Pirate وهي معناها " قرصان" اللي بيهجم ع السفن ويسرقها أو يسرق الحاجات اللي عليها
الكلمة اللي معانا بعد كدا وهي Bandit وهي حرامي بس اللي هو قاطع طريق ,,, بيبقى عضو من عصابة مسلحة بتبقى بتقطع الطريق ع الناس بتاخد كل الي معاهم...