إزاي ترد بالإيطالي على حد إيطالي بيعاملك بعنصرية؟
بصوا هكتبلكم في البوست ده شوية جمل بسيطة كدا وإن شاء الله هكتبلكم كمان حاجات تانية تعرف تكسر بيهم مناخير اللي قدامك وتقصف جبهته وإنت بتتكلم معاه ده في حالة لو حد بيكلمك بعنصرية ....
===========================================
1- واحد مثلاًُ داخل عليك وشايف نفسه شوية و كل شوية يقولك " إنت المفروض تعمل كذا وإنت المفروض تعمل كذا ..."
Tu dovresti fare.....\Tu dovresti dire......\
بكل بساطة ترد عليه تقوله
Sicuramente seguirò i tuoi consigli preziosi!
ولو كنت بتكلمه كتابه ,,, إوعى تنسى تحط علامة التعجب 
===========================================
2- واحد مثلاً من المدرسين بيعلمك أو بيشرحلك قاعدة ( وخصوصا هم بيعاملوا العرب بعنصرية شديدة جداً ) .... فييجي مثلاُ يقولك
Hai capito!
وهنا زي مانت شايف بدل علامة الإستفهام بعلامة التعجب ,,, طبعاً المعنى مش سؤال خالص ,, هو طريقة مش لطيفة خالص في الكلام معناها اللي هو " فهمت يابو مخ تخين أنت " ...
فأنت وقتها ممكن بسهولة تقصف جبهته وتكسر مناخيره تقوله
Non ho capito la regola grammaticale e sono convinto che sia colpa tua, perché spieghi male.
===========================================
3-واحد مثلاً أهطل وأٍسلوبه همجي مستفز في الكلام ومش جاي على هواك وضايقك بطريقة كلامه وأنت عايز تحرق دمه .,,, تقدر بكل بساطة تقوله
Hai ragione! Davvero, bravo!
أو ممكن تقوله Hai soperto l'America! ودي عندنا في المصري كدا معناها زي لما تقول لحد " جاتها نيلة اللي عايزة خلف " ... وطبعاً لو قولتله جملة زي دي هيتخانق معاك بجد
===========================================
4- واحد مثلاً داخلك من الجماعة اللي مناخيرهم في السما وعمال ينتقدك إنتقاد هدام بشكل لاذع على الإيطالي بتاعك برغم إنه كويس جداً ,,, بس بينتقدك بأسلوب مش كويس بهدف إنه يحاول ينقلك إنك مش هتقدر تعرف لغته أو إنها صعبة عليك ,,ممكن بكل بساطة تحرق أعصابه وتقوله بمنتهى الهدوء
Grazie, ma io non ti ho chiesto nessuno consglio!
===========================================
5- حد مثلاً بيكلمك وعمال يوجهلك إنتقاد أو سخرية عن كل ما يخصك ويتفه منه ,,, زي مثلاُ مستواك في لغة,, تعليمك,, بلدك, حضارتك,,, أي حاجة من دول ...
بكل ببساطة تقوله
Grazie tanto,questi non sono affari che ti riguardano!
أو تقوله
Non ti impicciare!